tg-me.com/alweyaamosaweyarrrr2626/27820
Last Update:
#قصيده لسان حال السيدة رمله أم القاسم سلام الله عليها..
#وزن_الموشح
🏴🏴🏴🏴
ريت عميه ولاشفت أبني ذبيح
مطبرينه ياعلي أدخيلك أصيح
🏴🏴🏴🏴
ريت عميه ولاشفت هذه المصاب
انذبح مثل الطير متخضب خضاب
كون ميته اويا ولا هذه العذاب
(باد حيلي من شفت دمه يسيح)
✍🏻ام حسين الحسني
🏴🏴🏴🏴🏴🏴
باد حيلي عليك يمه وما انام
من شفت صدرك متروس بسهام
صحت ياويلي يبن خير الكرام
(ماحسبت احساب بالحومه تطيح)
✍🏻أم زين العابدين لمحمداويه
🏴🏴🏴🏴🏴🏴🏴🏴
كون ميته ولاشفت دمك نزف
أنته يالجنك ورد خــدك ترف
ردتك بعازاتي والكبـري تحف
(عمت عيني أبدمك مخضب طريح)
✍🏻 آلــــّعــلّويِـــه آلّمٌوسويِــــۿ
🏴🏴🏴🏴🏴🏴🏴🏴
منين أجتني الحومه يمه يالولد
من طحت ابطيحتك راح السعد
أظن يا جاسم متردلي بعد
(ضل كلبي عليك يايمه جريح)
✍🏻ام رحمه الگاظميه
🏴🏴🏴🏴🏴🏴🏴🏴
أبني فوك الكاع متوذر وذر
حشمت وحسين محزوز النحر
عيلته ضلت سبايـه و بالخطر
(الحك النه ياعلي ضاك الفسيح)
✍🏻ام احمد الحسناوي
🏴🏴🏴🏴🏴🏴🏴🏴
يمة ضل كلبي ألك ينزف دمع
ضاع حلمي وياك طفيته الشمع
روحي أنثرها لبو حلو الطبع
(وعمتك بأحزانها تون وتصيح)
✍🏻 آلــــّعــلّويِـــه آلّمٌوسويِــــۿ
🏴🏴🏴🏴🏴🏴
ماشفت عرسك ولابيك فرحت
مثل طير بسرعه مني فرفحت
عفت امك والعرس ليش ورحت
(كوم اكعد يا لولد عمك يصيح )
✍🏻 العلويه ام رقيه لبطاط
🏴🏴🏴🏴🏴🏴🏴🏴🏴
تمت بعون الله بأقلام شاعرات
رابطة سيد الشهداء عليه السلام
غير مبري الذمه كل من يحذف الأسماء او يتلاعب بها..
https://www.tg-me.com/us/آلّشآعرهً آلــــّعــلّويِـــه آلّمٌوسويِــــۿ/com.alweyaamosaweyarrrr2626
BY آلّشآعرهً آلــــّعــلّويِـــه آلّمٌوسويِــــۿ
Share with your friend now:
tg-me.com/alweyaamosaweyarrrr2626/27820